Vága Bjargingarfelag hevði aðalfund 13.04.2022. Nevndin hevur skipað seg soleiðis:

Nevnd:

Formaður: Hans Jákup Jacobsen, Miðvágur
Næstformaður: Áki Joensen, Miðvágur
Allan Nielsen, Sandavágur
Finn Johannesen, Miðvágur
Jákup Haraldsen, Sørvágur
Lennard Myllhamar, Sandavágur
Páll Hansen, Miðvágur

Eykalimir:

Kassameistari: Durita W. Jacobsen, Miðvágur
Sofía Jacobsen, Sandavágur
Jóhan á Mýruni, Miðvágur
Rói Birgirsson Ehlers, Sandavágur
Ingi Ole-Jacobsen, Miðvágur
Bergfríð Næss, Miðvágur
Jón Ingi Rubeksen, Miðvágur

Vága Bjargingarfelag hevði aðalfund 01.04.2021, og nevndin skipaði seg sama kvøld.

Nýggja nevndin sær soleiðis út:

Formaður: Hans Jákup Jacobsen, Miðvágur
Næstformaður: Áki Joensen, Miðvágur
Skrivari: Regin Jespersen, Tórshavn
Kassameistari: Durita W. Jacobsen, Miðvágur
Allan Nielsen, Sandavágur
Finn Johannesen, Miðvágur
Jákup Haraldsen, Sørvágur
Lennard Myllhamar, Sandavágur

Eykalimir:

Bergfríð Næss, Miðvágur
Ingi Ole-Jacobsen, Miðvágur
Sofía Jacobsen, Sandavágur
Jóhan á Mýruni, Miðvágur
Rói Birgirsson Ehlers, Sandavágur
Durita W. Jacobsen, Miðvágur
Páll Hansen, Miðvágur

Vága Bjargingarfelag hevði aðalfund 16/5-2020, og nevndin skipaði seg sama kvøld.

Nýggja nevndin sær soleiðis út:

Formaður: Hans Jákup Jacobsen, Miðvágur
Næstformaður: Áki Joensen, Miðvágur
Skrivari: Regin Jespersen, Sørvágur
Kassameistari: Durita W. Jacobsen, Miðvágur

Aðrir nevndarlimir:

Allan Nielsen, Sandavágur
Finn Johannesen, Miðvágur
Jákup Haraldsen, Sørvágur
Lennard Myllhamar, Sandavágur

Eykalimir:

Bergfríð Næss, Miðvágur
Ingi Ole-Jacobsen, Miðvágur
Sofía Jacobsen, Sandavágur
Jóhan á Mýruni, Miðvágur
Rói Birgirsson Ehlers, Sandavágur
Eddie Lauritsen, Mykines

Leygardagin, 16. mai 2020 kl. 19:00, hevur VBF aðalfund í høllini hjá Vága Bjargingarfelag á íðnaðarøkinum í Sørvági.

Skrá sambært lóg felagsins.

Vága Bjargingarfelag hevði aðalfund í seinastu viku, og nevndin skipaði seg sama kvøld.

Nýggja nevndin sær soleiðis út:

Formaður: Hans Jákup Jacobsen, Miðvágur
Næstformaður: Áki Joensen, Miðvágur
Skrivari: Regin Jespersen, Sørvágur
Kassameistari: Durita W. Jacobsen, Miðvágur

Nevndarlimir:

Allan Nielsen, Sandavágur
Finn Johannesen, Miðvágur
Jákup Haraldsen, Sørvágur
Lennard Myllhamar, Sandavágur

Eykalimir:

Dagfinn Petersen, Miðvágur
Sofía Jacobsen, Sandavágur
Johan á Mýruni, Sandavágur
Rói Birgirsson Elhers, Sandavágur
Eddie Lauritsen, Mykines


Úr fundarfrásøgnini kann t.d. nevnast:

Fleiri hava tikið dugnaskaparroynd. Vit hava havt nakrar mans, ið hava verið sera trúgvir og drúgvir við Sverra, men ikki tykkum at siga, so eru tað ofta tey somu fólkini, ið ganga aftur á ymsum økjum hjá felagnum.

Hvítvørur og WC er keypt til høllina, men tey mangla at setast upp.

Stór venjing var á Vága Floghavn, og vit fingu at vita, at økið hjá VBF riggaði best.

Vit mugu royna at fáa fleiri ung við í felagið. Ætlanin er at gera okkurt við hetta.

Antennan til radaran á Sverra er enn í ólagi, men ekkoloddið er við at koma upp á pláss.

Felagið hevur fingið ein bil fyri einki frá Vága Floghavn og “nýggjan” sjúkrabil frá Landssjúkrahúsinum.

Vága Bjargingarfelag

 hevur aðalfund á Brandstøðini í Miðvági

mikudagin 18. mars 2015, kl. 19⁰⁰.

Skrá sambært lóg felagsins.

Øll eru vælkomin.

 Nevndin

Vága Bjargingarfelag hevur aðalfund á brandstøðini í Miðvági sunnudagin 30. mars 2014 kl. 15.00.

Skrá sambært lóg felagsins. Øll eru vælkomin.

Nevndin

Vága Bjargingarfelag hevur í 2013 verið í stórum rembingum og avbjóðingum. Vit hava bygt/uppsett eina stóra høll omanvert Vága Floghavn, og hevur hetta bert kunna latið seg gjørt í góðum og tøttum samstarvi við Vága Floghavn, sum lat VBF høllina ókeypis, og Sørvágs Kommunu, sum lat grundøkið ókeypis umframt eina stóra peningaupphædd. Eisini hevur ein rúgva av sjálvbodnum kvinnum og monnum gjørt eitt sera stórt arbeiði við at fáa høllina niðurtikna, setta uppaftur og innilokaða á økinum, har hon nú stendur. Enn vantar tó nakað at gera, og verður farið í gongd aftur beint eftir nýggjár.

Hesi seinastu nógvu árini hevur VBF húsast í hølum saman við Vága Sløkkiliði á havnarøkinum í Miðvági, og hevur Vága Kommuna stuðla VBF við hesum. Vit vænta at húsast har eina stutta tíð afturat, tá ið alt virksemið hjá VBF verður flutt í nýggju felagshøllina. Avtala er gjørd við Sørvágs Kommunu um at leiga teimum hølir til Sørvágs Sløkkilið, umframt at avtala er gjørd um høli til annað virki í Sørvági. Restina av høllini kemur VBF at hava til sítt virksemi.

Nýggi bjargingarbáturin hjá LFB, SVERRI, kom til landið í juli og er latin VBF at reka. Báturin er bygdur á skipasmiðjuni hjá Safehavenmarine í Cork sunnast í Írlandi, og var setta bátanevndin, Regin Jespersen, Remi Hansen, Dánjal Pauli Poulsen og Dagfinn Petersen, í Cork eftir bátinum og sigldu hann heim. Báturin kostar góðar 6 mil. kr.

Tað varð skipað fyri stórari móttøku í Sørvági, og takka vit fyriskiparunum fyri teirra stóra arbeiði og Sørvágs Tónleikarafelag fyri, at tey settu ein serligan dám á dagin. Báturin bleiv navngivin av fyrrverandi formanni VBF's, Jón Joensen (Jón í Bø) við hesum orðum:

Nógvar og mergjaðar røður blivu hildnar av virkandi løgmanni, Jørgen Niclasen, fiskimálaráðharranum, Jacob Vestergaard, vinnumálaráðharranum, Johan Dahl, formanni LFB's Regini Jespersen, formanni VBF's, Sofía Jacobsen, bygdaráðsformanninum í Sørvági, Suna Jacobsen og bygdaráðsliminum í Vága Kommunu, Jógvan Sjúrður Hansen umframt gávur blivu handaðar, m.a. frá øðrum bjargingarfeløgum kring landið. Ein minni samkoma var í Vági, har Sverri fyrst nam land, og fekk Sverri gávu frá bjargingarfeløgunum í oynni.

Hetta skrivið er eisini ein stór tøkk, og hevði hetta helst ikki spælt so væl av, um vit ikki høvdu fingið so nógvan stuðul frá bæði privatpersónum, feløgum og virkjum - bæði í Vágum og aðrastaðni kring landið. Tað snúði seg bæði um smærri peningagávur og stórar peningagávur umframt lutir og trygdarútgerð til bjargingarbátin Sverra. “Nógvir løkir smáir gera stórar áir” verður so sanniliga sagt. Landið hevur eisini latið ein stóran part í stuðli, umframt at Maersk Grunnurin hevur latið ein stóran part. Sørvágs Kommuna og Vága Kommuna hava latið ókeypis havnapláss og streym til Sverra í Sørvági og í Miðvági.

Við øllum hesum stuðlum gjørdist dreymurin hjá VBF – at fáa til vega egin hølir umframt ein bjargingarbát staðsettan í Vesturøkinum – veruleiki. Hetta eru vit øllum tykkum sera takksom fyri.

Vága Bjargingarfelag vil við hesum ynskja øllum tykkum við familju eini gleðilig jól og eitt eydnuberandi komandi ár við stórari tøkk fyri brátt farna árið.

Alt hevur gingið upp á stás í dag. Teir sigldu frá Inverness í morgun til Wick at bunkra og haðani til Kirkwall. Teir eru komnir fram í øllum góðum.
Bæði í Wick og Kirkwall hava menn frá RNLI (bretsku sjóbjargingartænastuni) staðið fyri teimum, tá Sverri er komnir vegin fram. Teir hava fylgt við Sverra á AIS-inum. Teir eru allir sera hugtiknir av  Sverra. Í Wick vildu teir býta um bát.
Í kvøld hava teir fingið sær ein bita á Hotell Kirkwall. Á einari av myndunum sær út sum um teir hava lagt Sverra beint framman fyri hotellið.
Enn hava teir bara siglt í blikastilli, og tað sær út til at blíva fínastu líkindi til Føroya í morgin. So teir eiga á at royna bátin í aldu og sjaskveðri.

Kunnandi fundur um bjargingarbátin verður á brandstøðini í Miðvági mánadagin 20.05.2013 kl. 19.00

Arbeiðið við bátinum gongur framá, men av tí at onkur deilur ikki kom fram til tíðina, er arbeiðið seinkað nakrar dagar.
Vit vænta, at báturin verður í Føroyum um mánaðarskiftið mai/juni 2013.
Her eru seinastu myndirnar av bátinum.

Vága Bjargingarfelag

hevur aðalfund á Brandstøðini í Miðvági sunnudagin, 14. apríl 2013, kl. 15.00.

Skrá sambært lóg felagsins. Øll eru vælkomin.

Sum kunnugt fekk VBF ta stóru frakthøllini við Vága Floghavn sum gávu frá Vága Floghavn, og var einasta treytin, at vit tóku hana niður og fluttu hana burtur av økinum sjálvi. Hetta var eitt stórt arbeiði, og gjørdu vit eina avtalu við ein entreprenør um at hjálpa okkum við hesum.

Avtala bleiv gjørd um niðurtøku, flyting burtur av økinum og uppsetan av høllina á ídnaðarøkinum omanvert Vága Floghavn. Sørvágs Kommuna var so stórsinnað, at hon lat VBF grundstykkið ókeypis umframt ein peningaligan stuðul uppá 700 tús. krónur.

VBF søkti eisini Vága Kommunu um stuðul, men tað lá ikki fyri hjá Vága Kommunu at lata stuðul beint nú.

Her skal nevnast, at Vága Kommuna óbeinleiðis hevur latið stuðul til VBF við tað, at VBF hevur húsast saman við brunaliðinum hjá Vága Kommunu ókeypis í fleiri ár.

Alt hetta arbeiðið var ikki bara at siga tað, so tað var alneyðugt at okkara egnu sjálvbodnu fólk eisini tóku eina hond við í hesum arbeiði. Tað skal sigast beinanvegin, at ein rúgva av bjargingarfólki hevur gjørt eitt sera stórt arbeiði og hava brúkt eina rúgvu at tíð til niðurtøku, flyting og uppseting av høllini.

Eisini skal sigast, at VBF fekk stóra ókeypis hjálp frá manningini hjá Vága Floghavn og manning frá Atlantic Airways, umframt at felagið K.J.O. gjørdi eitt sera stórt ókeypis arbeiði við planering av økinum o.a.

Hin 9. marts 2012 var fyrstu ferð hugt at høllini og blivu ymiskar ætlanir lagdar á nógvum nevndarfundum hjá VBF.

22. juli 2012 var sáttmálin viðv. yvirtøku av høllini skrivaður millum VBF og Vága Floghavn.

26. juli 2012 var byrjað at taka niður innan í høllini.

Síðan gekk arbeiðið sera skjótt við planering, stoyping av gólvi og veggum, leggjan av neyðugum rørum til VVS og el.

Um miðjan desembur 2012 varð takið lagt á og garaguhurðarnar ísettar.

Enn vantar tó nakað av arbeiði at gera, so at høllin kann koma at virka til tað, sum er endamálið við høllini.

Vit royna at fáa fólk fra VBF at gera hetta seinasta arbeiðið, men eru tað enn onkur økir, har vit noyðast at fáa fakfólk til at gera arbeiðið.

Sum kunnugt er LFB í ferð við at byggja ein nýggjan bjargingarbát í Cork í Írlandi. Báturin er av slagnum Interceptor 48. Av tí at avgjørt var, at báturin skuldi staðsetast í Vágum og rekast av VBF, var ein bátanevnd sett við limum frá VBF og formanninum hjá LFB, Regin Jespersen. Hinir í bátanevndini eru: Remi Hansen, Dánjal Pauli Poulsen og Dagfinn Petersen. Henda bátanevnd hevur tikið sær av øllum í.s.v. byggingina og útgerðina á bátinum.

Partar av nevndini hava verið í Cork 3 ferðir í hesum sambandi. Á vári 2012 var sáttmálin undirskrivaður. Síðan hevur nevndin verið og fingið ymisk ting uppá pláss umframt gjørt ymiskar dagføringar. Sagt bleiv tá, at tað tók um eitt ár at byggja bátin, og hetta kemur at halda. Seinasta vit vita, er at báturin verður liðugur 15. mei 2013, tá ið nevndin fer til Cork at yvirtaka bátin og sigla hann heim til Føroyar.

Ætlanin er at fara úr Cork, sum liggur sunnast í Írlandi, um Dublin, møguliga um Isle of Man, gjøgnum Crinan Channal, og Caledonia Cannal, sum gongur tvørtur um Scotland til Inverness og síðan um Orkney og/ella Hetland beinleiðis til Føroyar/Sørvágs, har ætlanin er at skipa fyri eini móttøku og navngeving av bátinum.

Regin Jespersen, Skrivari í VBF

Nevndin hjá Vága Bjargingarfelag vil við hesum takka øllum almennum sum privatum stovnum og fyritøkum fyri góðan stuðul. Tøkkin gongur eisini til Sørvágs Kommunu fyri stóran stuðul í.s.v. bygging av høll okkara og Vága Kommunu fyri teirra stuðul, til Vága Floghavn fyri sera gott samstarv og ikki minst fyri at hava latið VBF høllina ókeypis, til Atlantic Airways fyri sera gott samstarv og fyri ferðastuðul í.s.v. bygging av bjargingarbáti í Írlandi og Tyrludeildina hjá Atlantic Airways í samband við samvenjingar og stuðul. Eisini takka vit Sørvágs Sløkkiliði og Sandavágs-Miðvágs Sløkkiliði fyri sera gott samstarv og samvenjingar. Sama tøkkin fer til Kvívíkar- og Vestmanna sløkkilið, Sjúkrabilatænastuni hjá LS og øllum bjargingar-feløgunum kring landið fyri sera gott samstarv og stuðul. Seinast, men ikki minst, senda vit eina serliga tøkk til allar limir og øll tykkum sjálvbodnu í Vága Bjargingarfelag - bjargingarfólkini og sjúkraliðið - fyri tykkara sera stóra persónliga stuðul – ikki minst nú høllin skuldi takast niður og setast uppaftur - og at tit altíð eru tøk og til reiðar at hjálpa, tá ið ástendur. Uttan tykkara dygga stuðul var einki VBF.

Tykkum navigatørum og maskinmonnum umframt bjargarum, sum longu hava tekna tykkum sum manning á komandi bjargingarbátinum hjá LFB – sum kemur til Landið í mai 2013 - og verður staðsettur í Vágum - takka vit eisini.

Øllum tykkum og familjum tykkara ynskja vit eini gleðilig jól og eitt av Harranum signað nýggjár við tøkk fyri brátt farna árið.

Heilsan

Vága Bjargingarfelag

Vága Floghavn, sum VBF hevur havt eitt sera tætt samstarv við í mong ár, gav VBF frakthøllini við Vága Floghavn ókeypis, nú hon skuldi takast niður í samband við bygging av nýggjum termi-nali.
VBF søkti Sørvágs kommunu og Vága kommunu um stuðul, tí eitt slíkt tilboð fær ein  bert einaferð, so tað galt um hjá VBF at finna eina loysn sum skjótast. Sørvágs kommuna var beinanvegin klár at hjálpa VBF og gav VBF grundstykki á ídnaðarøkinum omanvert Vága Floghavn ókeypis. Grundstykkið hevur eitt virðið á 700.000 kr.
VBF søkti tí Vága kommunu um somu upphædd, og vildi VBF síðan leggja nakað tað somu upphædd í "puljuna". Tíverri bar ikki til hjá Vága Kommunu at lata nakran stuðul til VBF.
VBF vendi sær aftur til Sørvágs Kommunu og kærdi sína neyð og segði annars frá, at hesin stóri møguleikin - tað at seta føtur undir egið borð - var um at gleppa VBF av hondum.
Sørvágs Kommuna kallaði aftur inn til fundar og játtaði at stuðla VBF við enn 700.000 kr, so at ætlanin hjá VBF kann gerast veruleiki.
Eitt gott tilboð um niðurtøku av høllini, flyta hana niðan á grundstykkið, stoypa sokkul og veggir og at seta hana uppaftur er fingið frá Sp/f Dalsbø v/Hans Magnussen og Jaspur Joensen.
Eitt gott tilboð er eisini fingið frá K.J.O. til útgrevstur, so í gjár varð byrjað, og væntandi stendur høllin uppi seinast í august.
Annars er nógv sjálvboðin hjálp frá limunum í VBF og manning frá Vága Floghavn, men so sanniliga eisini frá  nógvum øðrum fólkum, sum duga at síggja tað stóra sjálvbodna arbeiðið, sum VBF útinnir í og kring Vágar.

Ætlanin hjá VBF er at skipa eitt tilbúgvingarøki, sum kann verða til gagns fyri vágafólk, alt virksemið í Vágum og Føroyum annars.

Nevnast kann eisini, at bjargingarbáturin, sum VBF kemur at reka, er farin í gerð fyri einum mánaða síðan, og verður væntandi farið eftir honum í mai komandi ár. Hann verður staðsettur í Sørvági.

V.h.

Regin Jespersen, skrivari, VBF

Feskasta myndin av bátinum niðanfyri

Her er stabilitetsroynd av 38 fót báti av sama slag sum "okkara". Skrokkur og yvirbygningur eru stórt sæð teir somu. Sum tað sæst, so er torført at fáa hann at koppa, og tá tað endiliga eydnast, so er hann skjótur aftur á rættkjøl.  Okkara hevur harafturat ta tungu Volvo IPS skipanina, so hann er helst enn "stívari".